Dielli dhe temperaturat e larta të kësaj fundjave e kanë bërë të parezistueshëm frekuentimin e plazheve nga qytetarët. Dhjetëra qytetarë kanë zgjedhur të shkojnë në Divjakë për të shëtitur në park dhe për plazh.<br /><br />Por frekuentimi i plazheve është ende e ndaluar, ndaj policia ka ndërhyrë menjëherë, duke kërkuar që pushuesit të largohen.<br /><br />Shumë prej pushuesve kishin ardhur të organizuar nga qytetet si Berati dhe Elbasani, zona këto të gjelbërta, por as këta nuk janë lejuar në plazh.<br /><br />Postblloku i policisë i vendosur në hyrje të parkut kombëtar është hequr prej një jave, kur Divjaka u shpall zonë e gjelbërt, ndaj pushuesit kanë mundur të futen në plazh, pavarësisht se aty është ende e ndaluar.<br /><br />Për momentin asnjë operator turistik nuk ka nisur përgatitjet për sezonin e verës, ndërsa nuk bëhet fjalë për vendosjen e çadrave të paktën deri ne fund të Majit.<br /><br />Tv Klan
